Stofa-web.jpg
Stofa-web.jpg

Höfðagata


SCROLL DOWN

Höfðagata


Bókaðu nokkrar nætur hjá okkur. Við hýsum einstaklinga, pör og litla hópa.

Gistihúsið er elsta starfandi gistiheimilið í Stykkishólmi. Það stendur á einum besta stað í bænum með fallegu útsýni og stutt er í alla þjónstu.

Frá og með 1. október 2017 verður ekki boðið upp á morgunverð en gestum okkar er velkomið að nota aðstöðu til að útbúa sinn eigin morgunverð.

Garðurinn umhvefis húsið er gróinn og á góðum dögum er kjörið að sitja úti og jafnvel borða morgunmatinn þar.

Stykkishólmur er einn fallegasti kaupstaður á Íslandi og þó víða væri leitað. Fjölbreytt úrval af veitingastöðum er í bænum auk skemmtilegra safna m.a. Vatnasafnið, Eldfjallasafnið og Norska húsið. Þá státar bærinn af mörgum gömlum og fallegum húsum í elsta hluta bæjarins og er hægt að fá fræðandi og skemmtilega leiðsögn um sögu húsanna. Vatnið í Stykkishólmi er vottað og þykir mjög heilsusamlegt. Það eru því margar ástæður fyrir því að koma í Hólminn og þarf engum að leiðast þar.

Þá má ekki gleyma þeim möguleika að fara í siglingar um eyjarnar. Flatey sem jafnan er kölluð perla Breiðafjarðar er eyja sem allir ættu að heimsækja. Þar hefur tíminn staðið í stað - að koma þangað er eins og að ferðast 100 ár aftur í tímann.

Fyrir þá sem hafa gaman af golfi þá er góður golfvöllur í Hólminum.


Hafðfu samband við okkur varðandi fyrirspurnir um bókanir

information@hofdagata.is

Herbergi


Herbergi


Á Höfðagötu eru 4 herbergi sem hægt er að leigja stök eða fleiri. Þau eru Öll tveggja manna með uppábúnum rúmum, handklæðum og aðstöðu til að fara í sturtu. úti er heitur pottur sem allir gestir hafa aðgang að.

Herbergi 1

Queen size rúm með góðum dýnum.


Herbergi 2

Tvö stök rúm með góðum dýnum.


Herbergi 3

Tvö rúm með góðum dýnum.


Herbergi 4

Queen size rúm með góðum dýnum. Sér baðherbergi.


Herbergi 5

Queen size rúm með góðri dýnu, einbreitt rúm. 

Íbúð

Fullbúin íbúð með tvöföldu rúmi, eldhúsi og sér baðherbergi. Svefnsófi fyrir tvo í stofunni.